တနေ့ကသူငယ်ချင်းတစ်ယောက်နဲ့ စကားပြောမိရင်း ဘုရားစေတီတွေ အကြောင်းလေး ပြောမိပါတယ်။ သူကပြောပါတယ်.. ဒီဘုရားကတန်ခိုးကြီးတယ်.. ဆုတောင်းရင် ဆုတောင်းပြည့်တယ်.. လာဘ်လာဘလည်း ၀င်တယ်တဲ့။ ဟင်.. ဆိုပြီး ရင်ထဲမှာ တစ်မျိုးဖြစ်သွားပါတယ်။ မင်းပြောတဲ့ ဘုရားကတန်ခိုးကြီးတယ် ဆုတောင်းပြည့်တယ်ဆိုတော့ ကျန်တဲ့ဘုရားတွေက တန်ခိုးမကြီးတဲ့ သဘောပေါ့လို့ ပြန်ပြောမိပါတယ်။ ဒါနဲ့စကားစဖြတ်လိုက်ရင်း ကိုယ့်ဘာသာ အတွေးတွေထဲမှာ စဉ်းစားမိပါတယ်။ အော်.. ဘုရားတွေများ လာပါလားပေါ့။ ဘုရားစေတီပုထိုးတွေသာ များလာတယ်။ ဘုရားရဲ့ အဆုံးမတွေကို လိုက်နာ ကျင့်ကြံသူတွေတော့ နည်းသထက်နည်းနေပါလားဆိုပြီး တွေးမိပါတယ်။
ဘယ်ဘုရားက တန်ခိုးကြီးတယ် ဒီဘုရားကဆုတောင်းပြည့်တယ်ဆိုရင် ဘုရားကိုကိုးကွယ်တာ ဘာအတွက်လဲ.. ဆုတောင်းပြည့်ယုံ အားကိုးယုံနဲ့ ကိုးကွယ်နေတာလား။ ဆုတောင်းမပြည့်ရင် တန်ခိုးမကြီးရင် မကိုးကွယ် တော့ဘူးလားဆိုပြီး ပြန်မေးကြည့်မိ ပါတယ်။
ကိုယ့်ကိုယ်ကို ပြန်မေးလည်း မေးချင်စရာကောင်းပါတယ်။ ခုခေတ်မှာ တော်တော်လေး ခေတ်စားနေတာလေး တွေရှိပါတယ်။ ဘုရားဖူးသွားကြတာပါပဲ။ ဘုရားဖူးသွားကြတာ မကောင်းဘူးလားဆိုတော့ ကောင်းပါတယ်။ ဘယ်ဘုရားက တန်ခိုးကြီးလို့ သွားကြရအောင်.. ဒီဘုရားက တန်ခိုးပြလို့ သွားကြရအောင်ဆိုပြီး သွားရင်တော့ ဘုရားဖူးသွားတယ်လို့တောင် မဆိုနိုင်ပါဘူး။ သွားဖူးတဲ့ဘုရားပျောက်ပြီး တန်ခိုးကို စိတ်ရောက်နေတာ ဆုတောင်းပြည့်တာ စိတ်ရောက်နေတာဟာ ဘုရားဖူးသွားတယ်လို့ မဆိုလိုနိုင်ပါဘူး။ ထူးဆန်းထွေလာ သွားကြည့်တယ်လို့တောင် ပြောနိုင်ပါတယ်။ ဒါမို့လိုလည်း ဖုံးကွယ်ခြင်းသုံးပါးထဲမှာ ဘုရားကိုစေတီကွယ် တယ်ဆိုပြီး ပထမဦးစွာ ထည့်သွင်းထားတယ်လို့ ထင်မိပါတယ်။ တကယ်တော့ စေတီတွေက ဘုရားကိုကွယ်စေတာ မဟုတ်ပါဘူး။ ဘုရားကိုကွယ်စေနိုင်အောင် ကိုယ့်စိတ်က ရည်မှန်းလိုက်တဲ့ ရည်ရွယ် လိုက်တဲ့ စိတ်ထားတွေကသာ ဘုရားကိုစေတီတွေက အလိုလိုကွယ်သွားစေတာပါ။ အမည်နာမတွေ အမျိုးမျိုးနဲ့ ဘုရားရှင်ရဲ့ဂုဏ်တော်တွေကို ကွယ်ပြစ်နေတာ များလှပါပြီ။ ဒီတော့ ဘုရားကို စေတီမကွယ်အောင် ဘယ်လိုများ လုပ်ကြရပါ့မလဲ။
တိဋ္ဌန္တေ နိဗ္ဗူတေ စာ ပိ၊ သမေ စိတ္တေ သမံ ဖလံ။
စေတော ပဏိဓိ ဟေတု ဟိ၊ သတ္တာ ဂစ္ဆန္တိ သုဂတိံ။
“တိဋ္ဌန္တေစ- သက်တော်ထင်ရှား မြတ်စွာဘုရား၌လည်းကောင်း၊ နိဗ္ဗူတော စ- ပရိနိဗ္ဗာန်ဝင်စံကြွာသွား မြတ်စွာဘုရား၏ လေးပါးသော စေတီတော်၌လည်းကောင်း၊ စိတ္တေ- ကြည်ညိုလိုသောစိတ် ပြစ်မှားလိုသောစိတ်သည်၊ သမေ- တူမျှသည်ရှိသော်၊ ဖလံ- ကောင်းကျိုးဆိုးကျိုးသည်၊ သမံ- တူမျှလေ၏၊ ကသ္မာ- အဘယ်ကြောင့်နည်းဟူမူကား၊ ဟိယသ္မာ- အကြင်ကြောင့်၊ စေတောပဏိဓိဟေတု ဟိ- စိတ်ထားကောင်းသောကြောင့် သာလျှင်၊ သတ္တာ- သတ္တ၀ါတို့သည်၊ သုဂတိ- သုဂတိဘ၀သို့၊ ဂစ္ဆန္တိ- လားကြရကုန်၏၊ တသ္မာ- ထို့ကြောင့်၊ ဖလံ- ကောင်းကျိုး ဆိုးကျိုးသည်၊ သမံ- တူမျှလေ၏” ဆိုတဲ့ ဘုရားရှင်ရဲ့ အဆုံးမတိုင်းပါပဲ။ သက်တော်ထင်ရှားဘုရားနဲ့ ဘုရားစေတီတော်ဟာ စိတ်ထားတတ်မယ် ဆိုရင် အတူတူပါပဲ။ ဘုရားစေတီတွေသွားမယ်ဆိုရင် စိတ်ထားတတ်ဖို့ဟာ အဓိကကျပါတယ်။ ဘုရားစေတီပုထိုး သွားမယ်ဆိုရင် ဘုရားရှင်ရဲ့ ဂုဏ်တော်တွေ အထပ်ထပ်ပွားပြီး ဘုရားရှင်ရဲ့ကျေးဇူးတရားတွေကို ရင်ထဲမှာအာရုံပြုပြီး သွားမှသာ ဘုရားဆီသွားတယ်လို့ ဆိုနိုင်မှာ ဖြစ်သလို ဘုရားသွားဖူးတယ်ဆိုတာလည်း သေချာသွားမှာပါ။ ကိုယ်သွားနေတဲ့ခြေလှမ်းတွေနဲ့ ရည်မှန်းနေတဲ့ စိတ်ထားတွေဟာ ဘုရားရှင်ဆီကို ဦးတည်နေဖို့ လိုအပ်ပါပေတယ်။
ခုတော့ဖြင့် ဘုရားရှင် ဆုံးမခဲ့တဲ့ အဆုံးမတွေနဲ့ လွဲပြီးရင်းလွဲနေပါတော့တယ်။ သူငယ်ချင်းတွေ ၀ိုင်းဖွဲ့ပြီး ပျော်ပွဲစားထွက်သလိုမျိုး ဘုရားကို သွားကြတယ်။ စားကြသောက်ကြ ပျော်ကြပါးကြဖို့အတွက် ဘုရားသွားဖူးကြတယ်။ တန်ခိုးကြီးတယ် အလုပ်အကိုင်အဆင်ပြေတယ် လာဘ်လာဘတိုးတယ်ဆိုလို့ အားကိုးတကြီးနဲ့ သွားကြတယ်။ တန်ခိုးပြတယ်၊ ရောင်ခြည်ပြတယ်ဆိုပြီး အထူးဆန်းအဖြစ်သွားဖူးကြတယ်။ ဘုရားဂုဏ်တော် တွေ ဘယ်ဆီရောက်နေမှန်း မသိကြပါဘူး။ ဘုရားရဲ့ ကျေးဇူးတရားတွေ ရင်ထဲမှာ ထည့်ထားပြီး သွားကြမယ်ဆိုတာလည်း မရှိကြပါဘူး..။ တကယ်စဉ်းစားကြည့်ရင် ၀မ်းနည်းဖို့ ကောင်းပါတယ်။ မဟာဂန္ဓာရုံဆရာတော် ဘုရားကြီးရဲ့သြ၀ါဒ အတိုင်းဆိုရင်ဖြင့် “အိမ်ကဘုရားကို ဘုရားလို့မထင်ပဲ ဟိုဘုရားမှ ဘုရားထင်ပြီး ဘုရားလည်ထွက်နေကြတာဟာ ဘုရားကိုမျက်နှာပြောင် တိုက်နေတာပဲ”လို့ ပြောရမလိုပါပဲ။ ဘယ်စေတီဖြစ်ဖြစ် ဘယ်ဘုရားဖြစ်ဖြစ် ဘုရားရှင်ရဲ့ဂုဏ်တော်တွေကို အာရုံပြုပြီး ကြည်ညိုသဒ္ဓါပွားကာ တန်းတူစိတ်ထားဖြင့် မကိုးကွယ်နိုင်သဖြင့်တော့ ဘုရားမမြင်သေးဖူးလို့ပဲ ပြောရမှာပါပဲ။ ဒါဆိုရင်တော့ ကိုယ့်ရဲ့ရင်ထဲမှာ ဘုရားကိုစေတီကွယ်နေပြီဆိုတာ သိစေချင်ပါတယ်။
ဒီတော့ဘုရားကို စေတီမကွယ်စေဖို့ ဘုရားရှင်ရဲ့ကျေးဇူးတရားတွေ သတိတရရှိဖို့ အတွက်ဆို ဘုရားရှင်ရဲ့ဂုဏ်ကျေးဇူးတွေကို အမြဲအမှတ်ရမယ့် စိတ်ထားလေးတွေကို ရင်ထဲနှလုံးသားထဲမှာ စွဲမြဲစေဖို့ အရေးကြီးပါတယ်။ ကျွန်တော်ပြောတဲ့အထဲမှာ ဘုရားမသွားနဲ့.. ဘုရားကိုသွားတာ အကျိုးမရှိဘူး.. ဘုရားကို စေတီတွေက ကွယ်နေတယ်လို့ မဆိုလိုပါဘူးနော်။ ဘုရားရှင် ခန္ဓပရိနိဗ္ဗာန်ဝင်စံတော်မူပြီးတဲ့နောက် ကြွင်းကျန်သော ဓါတ်တော်တွေကို ဘုရားရှင်ဟာ သာသနာတော်အတွက် ဓာတုစေတီဆိုတဲ့ ဓါတ်တော်တွေ၊ ဓမ္မစေတီဆိုတဲ့ တရားတွေ၊ ဥဒ္ဒိဿစေတီဆိုတဲ့ ရုပ်ပွားတော်တွေ၊ ပရိဘောဂဆိုတဲ့ အသုံးအဆောင်များကို ကိုယ်စားလှယ်အဖြစ်ထားခဲ့တာပါ။ ဒါ့ကြောင့် စေတီတော်တွေကို ဖူးမြင်ရတာဟာ သက်တော်ထင်ရှားဘုရားကို ဖူးမြင်ရတာနဲ့ ထပ်တူပါပဲ။ ဘုရားရှင်နှင့်အတူ စိတ်ထားနိုင်လျှင် ကောင်းကျိုးရတာခြင်းလည်းတူသလို အကျိုးပေးခြင်းလည်း တူညီပါတယ်။
အိမ်ကဘုရားစင်(ဘုရားကျောင်းဆောင်)ဟာလည်း ဘုရားဖြစ်သလို.. ရန်ကုန်မှာ တည်ထားကိုးကွယ်နေတဲ့ ရွှေတိဂုံစေတီတော်မြတ်ကြီး၊ မန္တလေးမှာ တည်ထားကိုးကွယ်တဲ့ မဟာမြတ်မုနိဘုရားကြီးနဲ့ စသည့်ဘုရားစေတီအဆူဆူတွေဟာလည်း ဘုရားပါပဲ။ ကိုယ့်ရင်ထဲ နှလုံးသားထဲမှာ ဘယ်ဘုရားစေတီပုထိုးကိုမြင်မြင် ဘုရားရှင်ရဲ့ဂုဏ်ကျေးဇူးတွေကိုမြင်ပြီး အမြတ်တနိုးတန်ဖိုးထားပြီး ဦးချကြည်ညိုတတ်ဖို့ဟာ ပိုပြီးတော့ အရေးကြီးပါတယ်။ ငါတို့ကိုးကွယ်နေတဲ့ ဘုရားစေတီမှ ဘုရားဆိုရင်တော့ ကိုယ့်ရင်ထဲမှာ ဘုရားစစ် ဘုရားမှန် ပျောက်နေပါတယ်လို့ ပြောလိုက်ပါရစေ..။ တန်ခိုးကြီးတဲ့ဘုရားမှ ဘုရားထင်ပြန်ရင်လည်း ဂုဏ်တော်ချင်းထပ်တူအာရုံပြု ရှိခိုးဦးချရမည့်ဘုရားကို မျက်နှာပြောင် တိုက်နေပါလားဆိုတာ သိလိုက်ပါလို့ သတိပေးလိုပါတယ်။ သတ္တ၀ါတွေအကျိုးစီးပွားအတွက် အဆူဆူပွင့်ထွန်းတော်မူလာခဲ့တဲ့ ဘုရားအဆူဆူရဲ့ကျေးဇူးတရားတွေကို ရင်ထဲမှာ ထင်မြင်ပြီး အမြတ်တနိုးထား ဦးချနိုင်ကြပါစေလို့ ဆန္ဒပြုလိုက်ပါတယ်။ ဘုရားကိုဘုရားလို့ပဲမြင်ပြီး ဂုဏ်ကျေးဇူးတွေကို အမြတ်တနိုးတန်ဖိုးထားတတ်ပါစေလို့ ဆန္ဒပြုလျှက်..။
အိမ်လွမ်းသူဝက်ဆိုက်မှ Paingmin ၏ရေးသားချက်ကို အများဖတ်နိုင်ရန် ပြန်လည်မျှဝေပေးလိုက်ခြင်းဖြစ်သည်။
0 comments:
Post a Comment