လူတော်လူကောင်း ၂

လောက၌ ဆရာများထံမှ သင်ယူ၍တတ်မြောက်သော ပညာရပ်တို့များစွာရှိပါသည်။ ဆရာများမှသင်ပေးသော ဗဟုသုတအတတ်ပညာ စက်မှုလက်မှုအတတ်ပညာ အတန်းပညာစသော လောကီလောကုတ္တရာ ပညာပေါင်းစုံ ရှိပါသည်။


လောကီနယ်ပယ်၌ ဆရာများထံမှ သင်ယူလေ့လာခဲ့သောပညာဖြင့် ဆရာဝန် အင်ဂျင်နီယာ ကျောင်းဆရာ ကျောင်းဆရာမ အစရှိသော ပညာတတ်လူတော်ပုဂ္ဂိုလ်များ ဖြစ်လာကြရပါသည်။


ထို့ပြင် ဆရာများသည် “လူတော်”တစ်ယောက်ဖြစ်ရုံသာမက “လူကောင်း”တစ်ယောက်ဖြစ်အောင်လည်း လမ်းညွှန်ဆုံးမပေးနိုင်ပါသည်။ ထိုကဲ့သို့ပြုလုပ်ပေးသော ဆရာများ၏ ဂုဏ်ကျေးဇူးကို မမေ့ရန်လိုပါသည်။ သို့ရာတွင် လူဆိုးလူမိုက်ဖြစ်အောင် ပြုလုပ်ပေးသော ဆရာများလည်း ရှိပါသေးသည်။ ဆရာတင်မမှားဖို့ရန် သတိတရား ဆင်ခြင်ဉာဏ်တရားရှိဖို့တော့ လိုပါသည်။ အဇာတသတ်ဘုရင်သည် ဆရာတင်မှားသောကြောင့် ဒုက္ခများစွာဖြင့် ရင်ဆိုင်ခဲ့ရပါသည်။


မိမိအား “လူတော်လူကောင်း”ဖြစ်အောင် ပြုလုပ်ပေးသော ဆရာများ၏ဂုဏ်ကျေးဇူးကို မဆပ်နိုင်လျှင်သော်မှ ကျေးဇူးမကန်းမိရန် အရေးကြီးလှပါသည်။


ထို့နောက် တွေးခေါ်ကြံဆ၍ရသော ပညာဖြင့်လည်း “လူတော်”တစ်ယောက် ဖြစ်လာနိုင်ပါသည်။ တွေးခေါ်ကြံဆ၍ရသော ပညာဆိုသည်မှာ ရေနွေးအိုးဆူနေသည်ကိုကြည့်ပြီး ”ရေနွေးအိုး၏အဖုံး အဘယ့်ကြောင့် အပေါ်သို့တက်တက်နေရတာလဲ”ဟု တွေးခေါ်စဉ်းစားပြီး ရေနွေးငွေ့ဖြင့် မီးရထားမောင်းရအောင် တီထွင်ခဲ့သောပုဂ္ဂိုလ်၏ အကြံအစည်မျိုး ဖြစ်ပါသည်။ ထိုကဲ့သို့ စဉ်းစားတွေးခေါ်ခဲ့သောသူသည် ရေနွေးအိုး၏အဖုံးကို လက်နှင့်ဖိကြည့်သောအခါ ရေနွေးငွေ့၏ တွန်းကန်အားကြောင့် ရေနွေးအိုးအဖုံးအပေါ်သို့ တက်ရခြင်းဖြစ်သည်ဟု အကြံရရှိပြီး မီးရထား ကားစသောယာဉ်များကို ရေနွေးငွေ့ဖြင့် မောင်း၍ရအောင် တီထွင်ခဲ့သည်ဟု သိရှိရပါသည်။ ထိုသူသည် မိမိဘာသာ တွေးခေါ်ကြံဆ၍ရသောပညာဖြင့် စမ်းသပ်လုပ်ကိုင်ခဲ့သောကြောင့် ကမ္ဘာကျော်ပုဂ္ဂိုလ် ဖြစ်လာရပေသည်။


ထိုကဲ့သို့ မိမိဉာဏ်ပညာဖြင့် တွေးခေါ်ကြံဆပြီး လူအများအသုံးပြုနိုင်ရန် စက်ပစ္စည်းများ၊ ပရိဘောဂများ၊ အ၀တ်အထည်များအစရှိသော လူအသုံးအဆောင် ပစ္စည်းများကို တီထွင်ထုတ်လုပ်ခဲ့သော ပုဂ္ဂိုလ်တို့များစွာရှိပါသည်။ ထိုလူများသည် “လူတော်”များပင် ဖြစ်ပါသည်။


ဂိုဂလီယက်မိုမာကိုနီအမည်ရှိသော ပုဂ္ဂိုလ်သည်လည်း မိမိဉာဏ်ပညာဖြင့် တွေးခေါ်ကြံဆပြီး ရေဒီယိုကို စတင်တီထွင်ခဲ့ပါသည်။ သူသည် နည်းသစ်ရှာပေးနိုင်သူဟု ထင်ပေါ်ကျော်ကြား ကျေးဇူးများသော ပုဂ္ဂိုလ်ဖြစ်သောကြောင့် ရေဒီယိုနှင့်ပတ်သတ်သော ကိစ္စတိုင်းမှာ သူ့ကိုထင်ရှားစွာ တွေ့ရှိရပါသည်။


အထက်ဖော်ပြပါ ပုဂ္ဂိုလ်များကဲ့သို့ပင် မိမိကိုယ်ပိုင်ဉာဏ်ပညာဖြင့် တွေးခေါ်ကြံဆပြီး လောကီလောကုတ္တရာနှစ်ဖြာသော အကျိုးတို့ကို ဆောင်ရွက်၍ထင်ပေါ်ကျော်ကြားခဲ့သော ပုဂ္ဂိုလ်တို့ များစွာရှိခဲ့ပါသည်။ လောကီဘက်၌ ထင်ပေါ်ကျော်ကြားသော ပုဂ္ဂိုလ်များကို အနည်းငယ် တင်ပြပြီးနောက် လောကုတ္တရာဘက်၌ မိမိဉာဏ်ပညာဖြင့် တွေးခေါ်ကြံဆပြီး ကိလေသာကုန်ခမ်းကာ ရဟန္တာဖြစ်အောင် အားထုတ်ခဲ့သော ပဏ္ဍိတသာမဏေအစရှိသော အရိယာသူတော်စင်များလည်း ရှိခဲ့ပါသည်။


ဤနေရာ၌ ခုနစ်နှစ်အရွယ်နှင့်ရဟန္တာဖြစ်အောင် အားထုတ်ခဲ့သော ပဏ္ဍိတသာမဏေ၏ မိမိဉာဏ်ပညာဖြင့် တွေးခေါ်ကြံဆပုံကို ဗဟုသုတယူစရာ ကောင်းသောကြောင့် အနည်းငယ် တင်ပြပေးလိုက်ပါသည်။


ပဏ္ဍိတသာမဏေသည် အရှင်သာရိပုတ္တရာမထေရ်ထံတွင် ရှင်ပြုပြီး နောက်ရက်တွင် ဆွမ်းခံလိုက်သွားခဲ့သည်။ ထိုဆွမ်းခံသွားရာလမ်းတွင် မြောင်းဖြင့်ရေသွယ်နေသော လယ်လုပ်သမားများ၊ မြားတံကိုမီးကင်း၍ မျက်စိထောင့်ဖြင့် ကြည့်လျက် ဖြောင့်အောင်လုပ်နေသော လေးသမား၊ သစ်တို့ကို ဖြတ်တောက်လှီးပြီး ရွေဘော်ထိုး၍ လှည်းဘီးစသည် ပြုလုပ်နေကြသော လက်သမားတို့ကို မြင်သောအခါ အရှင်သာရိပုတ္တရာမထေရ်အား “အရှင်ဘုရား စိတ်မရှိသောရေကို မိမိလိုရာအရပ်သို့ရောက်အောင်၊ စိတ်မရှိသော မြားတံကိုဖြောင့်အောင်၊ စိတ်မရှိသောသစ်တို့ကို ဖြတ်တောက်လှီး၍ ရွေဘော်ထိုးပြီး လှည်းဘီးလိုဝိုင်းနေအောင် ပြုလုပ်၍ရပါသလော”ဟု မေးသောအခါ မထေရ်မြတ်က “ရပါသည်”ဟု ဖြေဆိုသောအခါ သာမဏေက “စိတ်မရှိသောရေကို မိမိအလိုသို့ ဆောင်ယူ၍ လယ်လုပ်ခြင်းအမှုကိစ္စတို့ကို ပြုလုပ်နိုင်လျှင် စိတ်ရှိသောငါသည်လည်း မိမိ၏စိတ်ကို မိမိအလိုသို့ယူပြီး ၀ိပဿနာတရားအားထုတ်ရန် အဘယ့်ကြောင့် မတတ်နိုင်ဘဲရှိအံ့နည်း။


စိတ်မရှိသော မြားတံကို ဖြောင့်အောင်ပြုလုပ်နိုင်လျှင် စိတ်ရှိသောငါသည် မိမိ၏စိတ်ကို တည်ငြိမ်ဖြောင့်မတ်အောင်လုပ်နိုင်ရမည်။ စိတ်မရှိသောသစ်တို့ကို မိမိတို့အလိုရှိရာ လှည်းဘီးစသည်တို့ပြုလုပ်၍ရလျှင် စိတ်ရှိသောငါသည် ငါ၏စိတ်ကိုနိုင်အောင်ထိန်းပြီး တရားအားထုတ်နိုင်ရမည်”ဟု ကြံစည်စဉ်းစားပြီး ဆွမ်းခံဆက်မလိုက်တော့ဘဲ ကျောင်းသို့ပြန်သွားပြီးလျှင် မိမိ၏စိတ်ကို တည်ငြိမ်အောင်ထားကာ မိမိစိတ်ကို တရားဘက်၌အာရုံရအောင် စိတ်ကိုဆွဲယူပြီး တရားအားထုတ်ရာ ကိလေသာကုန်ခမ်း၍ ရဟန္တာဖြစ်ခဲ့ပါသည်။


ထို့ကြောင့် မိမိစိတ်ကို မထိန်းနိုင်သော ပုဂ္ဂိုလ်များသည် ဤသာမဏေကဲ့သို့ အတုယူကာ မိမိစိတ်ကို ထိန်းနိုင်အောင် ကျင့်သုံးသင့်ပါသည်။ သာမဏေကဲ့သို့ တွေးခေါ်ကြံမည်ဆိုလျှင် ရဟန္တာမဖြစ်တောင်မှ စိတ်တိုလွယ် ဒေါသထွက်လွယ် အမျက်ထွက်လွယ်ခြင်းများကင်းပြီး စိတ်ချမ်းသာမှုရရှိပါလိမ့်မည်။


များသောအားဖြင့် မကောင်းမှုလုပ်ကြသည်မှာ မိမိစိတ်ကို မထိန်းနိုင်သောကြောင့် ဖြစ်ပါသည်။ မိမိစိတ်ကို အကောင်းဆုံးဘက်သို့ရောက်အောင် မလုပ်နိုင်လျှင်သော်မှ အဆိုးဆုံးမဖြစ်အောင် ထိန်းနိုင်လျှင် မျက်မှောက် တမလွန်ဘ၀တို့မှာ ကောင်းကျိုးချမ်းသာပါလိမ့်မည်။


ပညာရပ်တစ်ခုခုကို တတ်ကျွမ်းနားလည်၍ “လူတော်”ဖြစ်သောပုဂ္ဂိုလ်များသည် “လူမိုက်”မဖြစ်ဖို့ ပိုအရေးကြီးပါသည်။ အဘယ့်ကြောင့်ဆိုသော် လူတော်များသည် ကောင်းသောဘက်၌ အသုံးချလျှင် လိုက်မမီအောင် တိုးတက်သလို မကောင်းမှုဘက်၌ အသုံးချလျှင် ကယ်တင်၍မရနိုင်အောင် မိုက်မဲနိုင်သောကြောင့် ဖြစ်ပါသည်။ ထို့ကြောင့် မိမိတတ်ထားသောပညာကို မှန်ကန်စွာအသုံးမချဘဲ မကောင်းသောဘက်၌ အသုံးချမည့်ဆိုလျှင် လူတော်ပေမဲ့ လူယုတ်မာ ဖြစ်သွားတတ်ပါသည်။


ကမ္ဘာပေါ်တွင် လူတော်မှန်သမျှ လူကောင်းဖြစ်မည်ဆိုလျှင် ကမ္ဘာလောကကြီးတွင် ကိုယ်စိတ်နှစ်ပါး ချမ်းသာစွာဖြင့် နေထိုင်ကြရပါလိမ့်မည်။ ကမ္ဘာပေါ်တွင် လူတော်တို့များစွာ ရှိသော်လည်း လူကောင်းစိတ် မရှိသော ကြောင့် စစ်ပွဲများ ရန်ငြိုများ ဖြစ်ပေါ်နေကြရပါသည်။


လူတော်များသည် မိမိတတ်ထားသောပညာဖြင့် သူတစ်ပါးတို့အား ဆုတ်ယုတ်ပျက်စီးစေမည့် အလုပ်မှန်သမျှတို့ကို မလုပ်ကြရန် လိုပါသည်။ လူတော်များသည် မိမိမှာ အတတ်ပညာရှိ၏ ဂုဏ်ရှိ၏ စည်းစိမ်ဥစ္စာရှိ၏ ရာထူးရှိ၏စသည်ဖြင့် မာန်မာနထားကာ သူတစ်ပါးကို ဒုက္ခရောက်အောင်မလုပ်ဘဲ သူတစ်ပါးအကျိုးရှိစေမည့် အလုပ်ကိစ္စတို့ကို လုပ်ကိုင်ပေးကြမှသာလျှင် “လူကောင်း”ဖြစ်ကာ “လူတော်လူကောင်း”အရည်အချင်းနှင့်ပြည့်စုံ၍ မျက်မှောက် တမလွန်တို့၌ လိုအင်ဆန္ဒမှန်သမျှ ပြည့်ဝပါလိမ့်မည်။


လူတော်များသည် ကိုယ့်ကျင့်စာတရားမရှိပါက လူမိုက်ဖြစ်၍ နောင်သံသရာအတွက် ကောင်းမှုကုသိုလ် မလုပ်ခဲ့သောကြောင့် သံသရာ၌လည်း ဒုက္ခအပေါင်းနှင့်သာ ရင်ဆိုင်ကြရမည် ဖြစ်ပါသည်။


တော်သောပုဂ္ဂိုလ်၊ ပညာရှိသောပုဂ္ဂိုလ်တို့သည် “လူကောင်း”ဟူသော အနားကွက် သူတော်ကောင်း တရားမရှိပါက ပြီးပြည့်စုံသောလူတစ်ယောက် ဖြစ်လာမည်မဟုတ်ပေ။ သို့ဖြစ်၍ “လူကောင်း”ဟူသော သူတော်ကောင်း တရားသည် သက်ရှိသတ္တ၀ါတိုင်းအတွက် မရှိမဖြစ်လိုအပ်သောတရားများဖြစ်သောကြောင့် လူကောင်းတစ်ယောက် ပြည့်စုံရမည့် သူတော်ကောင်းတရားများကို အကျယ်တ၀င့် ရေးသားတင်ပြပေးလိုက်ပါသည်။


နောက်တစ်ပတ်တွင် ဆက်လက်ရေးသားတင်ပြပါမည်။