Wednesday, November 2, 2011

ဒီလိုလေးလည်း တွေးကြည့်ပေးပါ အပိုင်း(၂)

ဒီလို ဒီလို အတွေးတွေ တွေးကြည့်လိုက်တော့လဲ ဘာမှမဟုတ်ပါလား။ လောကကြီးထဲမှာ တကယ်ရှိတဲ့အရာနဲ့မရှိတာအရာ၊ ဘယ်ဟာကို ငါက မက်မောနေတာလဲ။ ဘာကိုရယူဖို့ လုပ်နေတာလဲ။ တကယ်တော့လဲ ဒါတွေဟာ အဆန်းမဟုတ်တော့ပါဘူး။ သဘာဝတရားကြီးက သူ့အလိုလိုဖြစ်နေတာကို ကိုယ်က မသိဘဲနဲ့ အဲဒီသဘာဝလောကကြီးကပေးတဲ့ဒဏ်တွေကိုပဲ အကောင်းမှတ်နေပြီး လိုက်လုပ်နေကြတာ။ အဲဒီလို အမှန်တရားကိုမသိလို့ အမှားတွေကို အမှန်ထင် မက်မောပြီး ဒုက္ခပင်လယ်ထဲမှာ နစ်မြောပျော်ရွှင်ခဲ့တဲ့ဘ၀တွေကလည်း မနည်းဘူးလေ။ ဒါကြောင့် ယခုဘ၀မှာတော့ အမှားနဲ့အမှန်ကို သိမြင်အောင်လုပ်မယ်ဆိုတဲ့ ဆုံးဖြတ်ချက်လေး ထားဖို့လိုနေပါပြီ။ အမှန်တရားကို သိမြင်တဲ့အတွေးများနဲ့ တွေးမိမယ်ဆိုရင် လောကကြီးထဲမှာ ဖြစ်ပျက်တတ်တဲ့သဘောတရားနဲ့ အာရုံသိတတ်တဲ့ သဘောတရားလေးပဲ ရှိပါလားလို့ သိလာပါလိမ့်မယ်။
Powered by Blogger.