Sunday, August 28, 2011

တရားအားထုတ်တဲ့အခါ စကားပြောရမှာလား

အမေး။ ။ အရှင်ဘုရား တရားအားထုတ်ရင် စကားမပြောရဘူး၊ စကားဟာ တရားရဲ့ အနှောက်အယှက်ဖြစ်တယ်လို့ပဲ သင်ကြားနာယူခဲ့ရဘူးပါတယ်။ ဒါပေမဲ့ နောက်ပိုင်းတရားစခန်းတွေမှာတော့ စကားပြောရင် သတိနဲ့ပြောတာကို တရားစခန်းမှာ လေ့ကျင့်ရမယ် အပြင်ရောက်ရင် ကျင့်ဖို့ဆိုတာ မဖြစ်နိုင်ဘူး။ ဒါကြောင့် သတိထားတတ်အောင် စခန်းဝင်နေတဲ့အချိန်လဲ စကားပြောရမယ်။ သတိနဲ့ပြောရမယ်လို့ ညွန်ကြားလာတာတွေ ကြားလာရပါတယ်ဘုရား။ ဆရာတော်ကြီးတစ်ပါးရဲ့ ဟောတရားထဲမှာ “စကားမပြောရင် သမ္မာဝါစာမဖြစ်လို့ မဂ္ဂင်တစ်ပါး ချို့ယွင်းနေသလိုလို” ပြောသွားပါတယ်။ ဒါဆိုရင် ဒီယောဂီတွေက မဂ္ဂင်(၈)ပါးမပြည့်လို့ တရားမရကြတော့ဘူးလို့ အဓိပ္ပါယ်ဖြစ်နေပါတယ်။ တပည့်တော်သိချင်တာက တရားကျင့်ရင် စကားပြောရမှာလား မပြောရဘူးလားဆိုတာကို တိတိကျကျ သိချင်ပါတယ်ဘုရား။

Dr ဒေါ်စန္ဒ၀တီ
မြိတ်-မဟာစည်

အကြွေးကင်းမှ ရဟန်းခံရမှာလား

အမေး။ ။အရှင်ဘုရား လူတစ်ယောက်ဟာ သူများရဲ့ အကြွေးတွေ တင်နေပါတယ်။ သူက ရဟန်းလဲပြုချင်တယ်။ တပည့်တော်သိလိုတာက အကြွေးရှိရက်နဲ့ ရဟန်းခံလို့ ရ/မရ ဆိုတာပါဘုရား၊ ကရုဏာရှေ့ထား ဖြေကြားပေးတော်မူပါဘုရား။

စံမင်းအောင်
တိုက်ကြီး

တရားနဲ့ပူဇော်တာ အမြတ်ဆုံးလို့ ဘာကြောင့်ပြောရတာလဲ

အမေး။ ။ အရှင်ဘုရား ဘုရားရှင်ပရိနိဗ္ဗာန်စံခါနီးမှာ နတ်ဗြဟ္မာတွေက ပန်းနံ့သာတို့နဲ့ပူဇော်လာကြတာကို အကြောင်းပြုပြီး ဘုရားရှင်က “ငါဘုရားကို ပန်းနံ့သာတို့နဲ့ ပူဇော်ပေမဲ့ ပူဇော်တယ်လို့ မခေါ်သေးပါဘူး။ သီလ သမာဓိ ပညာ တရားအားလျော်တဲ့အကျင့်ပဋိပတ္တိကို ကျင့်နေတဲ့ပုဂ္ဂိုလ်မှသာ ငါဘုရားကို အမွန်မြတ်ဆုံး ပူဇော်ခြင်းနဲ့ ပူဇော်ရာရောက်ပါတယ်”လို့ မိန့်တော်မူထားပါတယ်။ တပည့်တော် သိချင်တာက ဘုရားရှင်ဟာ ယခင်က ပစ္စည်းဝတ္ထုနဲ့ ဘုရားရှင်ရဲ့ဂုဏ်ကျေးဇူးကိုဆင်ခြင်ပြီးလှူရင် အကျိုးကြီးမြတ်ကြောင်း ကို ဟောကြားတော်မူပါလျှက် ယခုပရိနိဗ္ဗာန်ပြုခါနီးကျမှ ပစ္စည်းနဲ့ပူဇော်တာထက် တရားနဲ့ပူဇော်တာက ပိုပြီးအကျိုးကြီးမြတ်တယ်လို့ ဘာကြောင့် ပစ္စည်းနဲ့ပူဇော်တာကို ပယ်ရတာလဲဘုရား။

မနွယ်နွယ်အေး
ရန်ကုန်
Powered by Blogger.