Sunday, January 30, 2011

ဆန်နီနေမင်း အမေးအဖြေများ

ဆရာတော်ဘုရား မသိတာတွေမေးလို့ရတယ်ဆိုလို့ ၀မ်းသာရပါတယ်ဘုရား။ တပည့်တော်မေးလိုတာကတော့

၁။ ဆရာဝန်တွေဟာ ဆေးထိုးတဲ့အခါပိုးတွေကိုသေစေလို့ ပါဏာတိပါတကံ မထိုက်ဘူးလားဘုရား။

၂။ ရဲဘော်သေ သေသော်ငရဲမလားဆိုတော့ စစ်သားတွေဟာငရဲ မရောက်ဘူး လားဘုရား။

၃။ နိဗ္ဗာန်ကို ပုထုဇဉ်တွေဘယ်လိုသိနိုင်မလဲဘုရား။ သိရောသိနိုင်ပါသလား ဘုရား။


ဒါတွေက တပည့်တော် နွေအခါ သူငယ်ချင်းဦးဇင်းများနဲ့ ကလေးများကို တောဒေသများမှာ ဒုလ္လဘ၀တ်ရင်း လိုက်သင်ပေးရာက သိခဲ့ရတဲ့ ပြဿနာတွေပါဘုရား။ သည်းခံပြီးဖြေကြားပေးပါလို့ တောင်းပန်ပါတယ်ဘုရား။ နောက်နောင်ကိုလည်း တပည့်တော်မသိတာတွေကို မေးခွင့်ပြုပါဘုရား။ လေးစားခင်မင်လျက် ရှိခိုးဦးခိုက်လိုက်ပါသည်ဆရာတော်ဘုရား။



အင်း ဒီမေးခွန်းလေးတွေက လူတိုင်းသိထားသင့်တဲ့ အရာလေးတွေပါ။ ဒီတော့ ဦးဇင်းသိသလောက် ဖြေပေးပါမယ်။ အရင်ဦးဆုံး ပါဏာတိပါတကံထိုက်သည့် အင်္ဂါ(၅)ပါးကို အရင်ဆုံး တင်ပြပေးပါမယ်။ ထိုငါးပါးသိထားလျှင် ဆုံးဖြတ်ရတာ လွယ်လိမ့်မည် ထင်ပါသည်။ ပါဏာတိပါတကံ(၅)ပါးမှာ သက်ရှိသတ္တ၀ါဖြစ်ခြင်း၊ သတ္တ၀ါဟု အမှတ်ရှိခြင်း၊ သတ်လိုသောစိတ် သေစေလိုသောစိတ်ရှိခြင်း၊ သေစေရန် ပြုလုပ်ပြောဆိုခြင်း၊ ထိုပြုလုပ်ပြောဆိုခြင်းကြောင့် သေခြင်းဟူ၍ ဤငါးပါးပြည့်စုံမှသာ ပါဏာတိပါတကံ ထိုက်ပေသည်။

Powered by Blogger.