Saturday, July 6, 2013

ဘာသာတရား ကိုးကွယ်ခြင်း အကြောင်းတရား(၄)ပါး

မေး။ ။ အရှင်ဘုရား တပည့်တော်တို့ ဗုဒ္ဓဘာသာမှာဖြစ်စေ တခြားဘာသာတွေဖြစ်စေ ကိုးကွယ်မှုတွေဟာ အကြောင်းအမျိုးမျိုးကြောင့် ကိုးကွယ်နေကြတယ်လို့ ထင်တယ်ဘုရား။ ဗုဒ္ဓဘာသာအတွင်းကိုပဲ မိရိုးဖလာတွေရော တကယ်ယုံကြည်တဲ့သူတွေရော မျိုးစုံပါပဲဘုရား။ တပည့်တော်လည်း တက်နိုင်သမျှတော့ ကိုးကွယ်ရကျိုးနပ်အောင် ကျင့်သုံးနေပါတယ်။ ဒါပေမဲ့ အရှင်ဘုရားကနေ ဘယ်လိုကိုးကွယ်ရင် ကိုးကွယ်ရကျိုးနပ်မယ်လို့ ပြောပြရင်တော့ တပည့်တော် အဲဒီအတိုင်းပြုလုပ်ပါက ပိုမိုအကျိုးများမယ်ထင်လို့ အရှင်ဘုရားအချိန်များရခဲ့ရင် ပြောပြပေးစေချင်ပါတယ်ဘုရား။

ဖြေ။ ။ ဘာသာတရားကိုးကွယ်မှုနဲ့ပတ်သတ်၍ အကြောင်း(၄)ပါးရှိပါတယ်။ အဲဒါတွေကတော့

၁။ ဘယ-တစ်စုံတစ်ခုသော အန္တရာယ်ဘေးဒုက္ခကို ကြောက်လန့်လို့ ကိုးကွယ်ခြင်း။
၂။ လာဘ-ပစ္စည်းဥစ္စာကို မျှော်ကိုးပြီး ကိုးကွယ်ခြင်း။
၃။ ကုလ-ကိုးကွယ်သည့်ဘာသာအကြောင်း သေချာကျနစွာမသိဘဲ မျိုးရိုးစဉ်ဆက်ကြောင့် ကိုးကွယ်ခြင်း။
၎။ ဒက္ခိဏေယျ-ဘာသာဝါဒအကြောင်းကို မိမိဉာဏ်ဖြင့် သေချာလေ့လာပြီး ကိုးကွယ်သင့်တဲ့ဘာသာ၊ ပုဂ္ဂိုလ်ပဲလို့ ဆုံးဖြတ်ချက်ချ၍ ကိုးကွယ်ခြင်း။

အထက်ပါ(၄)ပါးတို့တွင် နောက်ဆုံးအချက်နဲ့ကိုးကွယ်ခြင်းသည်သာ ခိုင်မြဲသောဘာသာအဖြစ် ရပ်တည်နိုင်မှာဖြစ်သလို ကိုးကွယ်ရကျိုးနပ်အောင် ပြုလုပ်နိုင်မှာမို့ မည်သူမဆို ဘာသာတစ်ခုကို နံပါတ်(၄)ဖြင့် ကိုးကွယ်စေချင်ပါတယ်။

စာဖတ်ပရိသတ်များ ကိုယ်စိတ်နှစ်ပါးချမ်းသာပြီး လိုရာပန်းတိုင်ကို လျင်မြန်စွာလျှောက်လှမ်းနိုင်အောင် ကြိုးစားအားထုတ်နိုင်ကြပါစေလို့ ဆန္ဒပြုလျက်......။

0 comments:

Post a Comment

Powered by Blogger.