Sunday, June 30, 2013

ဥစ္စာသယန မဟာသယနကံနဲ့ပတ်သတ်၍

မေး။ ။ အရှင်ဘုရား တပည့်တော် ရှစ်ပါးသီလမှာ ဥစ္စာသယန မဟာသယန-မြင့်သောနေရာ မြတ်သောနေရာနဲ့ပတ်သတ်ပြီး တပည့်တော်တို့သူငယ်ချင်းတွေ ပြောဆို ကြတဲ့အခါ မျိုးစုံဖြစ်နေပါတယ်ဘုရား။ အရှင်ဘုရား သင်္ကြန်တွင်းတုန်းက မေတ္တာရှင်ဆရာတော်ရိပ်သာမှာ အမေးအဖြေတုန်းက ဖြေဆိုခဲ့တာကလည်း ကိလေသာစိတ်မဖြစ်အောင် ဇိမ်ကျမဲ့နေရာတွေ၊ မာန်မာနတက်စေမဲ့ ထိုင်ခုံအိပ်ရာတွေကို အသုံးမပြုရလို့ အကျဉ်းချုပ်သာ ဖြေဆိုသွားတာမို့ တပည့်တော်တို့ သေချာကျနစွာ ရှောင်ကြဉ်နိုင်အောင် အကျယ်တ၀င့် အချိန်ရရင် ရေးပေးစေချင်ပါတယ်ဘုရား။ ရိုသေလေးစားစွာ ဦးခိုက်လျက်......။

ဖြေ။ ။ သုတ်သီလက္ခန်ပါဠိတော်၊ မဇ္ဈိမခန်းတွင် ဥစ္စာသယန မဟာသယနနဲ့ ပတ်သတ်ပြီး ရှောင်ကြဉ်ရမဲ့နေရာ (၂၀)ပြဆိုထားပါတယ်။ အဲဒါတွေကတော့

၁။ လူများဆုံးအသုံးပြုသော ထိုင်ခုံ၊ အိပ်ရာတို့ထက် ခြေလေးချောင်းအမြင့်ရှိသော အထူးရှိသော ခုတင်၊ ထိုင်ခုံများ။
၂။ အခြေတွင် ခြင်္သေ့သားရဲရုပ်တပ်ထားသော ပလ္လင်နေရာ။
၃။ လက်လေးသစ်ထက် ကျော်လွန်သော မွေးရှည်ကော်ဇော။
၎။ အရုပ်ပန်းကွက်တို့ဖြင့် ဆန်းကြယ်စွာ ယက်လုပ်ထားသော သားမွေးအခင်း။
၅။ သားမွေးဖြင့်ပြုလုပ်ထားသော ခင်းနှီးဖြူ။
၆။ ပန်းပြောက်ခြယ်ထားသော သားမွေးအခင်း။
၇။ လဲမျိုး(၃)ပါးဖြင့် သွတ်သွင်းထားသော မွေ့ယာခင်း။
၈။ ခြင်္သေ့၊ ကျား၊ သစ်စသော အရုပ်တို့ဖြင့် ဆန်းကြယ်ထားသော သိုးမွေးခင်း။
၉။ နှစ်ဘက်အမွေးရှိသော သားမွေးအခင်း။
၁၀။ တစ်ဘက်သာအမွေးရှိသော သားမွေးအခင်း။
၁၁။ ရတနာ ရွှေငွေတို့ဖြင့် ချုပ်ကပ်လိမ်းကျံထားသော ပိုးချည်ရက်အခင်း။
၁၂။ ရတနာရွှေချည် ငွေချည်တို့အကြားတွင် ပိုးချည်ဖြင့်ရက်လုပ်ထားသော အခင်း။
၁၃။ ကချေသည်မ (၁၆)ယောက် ကလောက်သော သားမွေးကော်ဇော။
၁၄။ ကောင်းမြတ်သော ဆင်နှီးကုန်း။
၁၅။ ကောင်းမြတ်သော မြင်းနှီးကုန်း။
၁၆။ ဆင်မြင်ရထား၌ခင်းသော နု့ညံ့အိစက်သည့် အခင်း။
၁၇။ ညောင်စောင်းပမာဏ ချုပ်လုပ်ထားသည့် သစ်နက်ရေးအခင်း။
၁၈။ ၀ံပိုင့်ရေဖြင့် ပြုလုပ်ထားသည့် မြတ်သောအခင်း။
၁၉။ နီသော ဗိတာန်မျက်နှာကြက်အောက်ရှိ သားမွေးအခင်း။
၂၀။ ခြေအုံး ခေါင်းအုံး နှစ်ဘက်တပ်ထားသည့် အခင်း။

ရှစ်ပါးသီလ ဆောက်တည်ထားသူသည် အထက်ပါနေရာထိုင်ခင်း အိပ်ရာတို့တွင် ထိုင်ခြင်း၊ အိပ်ခြင်းမှ ရှောင်ကြဉ်ရပါမည်။

1 comments:

ရာဇာထွေး said...

ပို့စ်လေးဖတ်ပြီင်္းမှတ်သားသွားပါတယ် ဘုရား...
အခုလိုရှင်းလင်းဖြေကြားပေးလို့ ကျေးဇူးတင်ပါတယ် အရှင်ဘုရား....

ရိုသေလေးစားစွာဖြင့်
ရာဇာထွေး

Post a Comment

Powered by Blogger.