Sunday, February 17, 2013

အတုယူ မမှားစေချင် အပိုင်း(၁)

ယနေ့ခေတ် မြန်မာမိန်းကလေးများ အတုယူမှားပြီး ပျက်စီးနေတာတွေ၊ ငွေကြေးဥစ္စာ မက်မောမှုကြောင့် ပျက်စီးနေတာတွေ၊ အသိပညာနည်းပါးမှု၊ ခံယူချက်စိတ်ဓာတ် မပြတ်သားမှုကြောင့် ပျက်စီးနေတာတွေအကြောင်း တစ်ယောက်သော မိန်းကလေးဆီကနေ ကြားသိလိုက်ရတဲ့အခါ ရင်ထဲမှာ စိတ်မကောင်းဖြစ်ပြီး အိပ်မရအောင် ကိုယ့်လူမျိုးမြန်မာတွေအတွက် ခံစားမိရလို့ ငါတက်နိုင်တဲ့ ပညာပေးစာပေ ရေးသားခြင်းနဲ့ အသိပေးရမယ်၊ လိုက်နာတာ မလိုက်နာတာ စာဖတ်တာ မဖတ်တာက သူတို့အပိုင်းပဲလို့တွေးပြီး ရေးသားတင်ပြပေးလိုက်ပါတယ်။

လူငယ်တွေဟာ အတတ်ပညာများကို သိမြင်ရုံဖြင့် တက်သိနားလည် သဘောပေါက်လွယ်နေကြတာကြောင့် သူတစ်ပါးက ဒါဟာ ကောင်းတယ်ဆိုရင် အဲဒါကို လိုက်လုပ်တတ်ကြပါတယ်။ ဥပမာ-ပိုက်ဆံရှိတဲ့လူတွေနဲ့ တွဲသွားတွဲလာ လုပ်ရတာ၊ သီချင်းဆို ဖျော်ဖြေပေးရတာ၊ အတူအိပ်ပေးရတာတွေဟာ ဘာမှမဖြစ်ဘူး။ ငွေအလွယ်တကူရတယ်ဆိုပြီး သူများပြောတိုင်း အဟုတ်မှတ်ကာ လိုက်လုပ်တတ်ကြတယ်။

သူများပြောတိုင်း အဟုတ်မှတ်ပြီး လိုက်လုပ်နေမယ်ဆိုရင် ဦးဇင်းလည်း သာသနာ့ဘောင် ရှိနေမှာ မဟုတ်ပါဘူး။ ဘာဖြစ်လို့လဲဆိုတော့ အားလုံးက အိမ်ထောင်ပြုတာဟာ ကောင်းတယ်လို့ ပြောဆိုနေကြတဲ့ခေတ်၊ သတ္တ၀ါမှန်သမျှ အကောင်းဆုံးလို့ ထင်မြင်ယူဆနေတာကို လိုက်လုပ်မယ်ဆိုရင် သာသနာ့ဘောင် ဘယ်ရှိမလဲနော်။ သူများလို တစ်ယောက်နှစ်ယောက်ပြောတာကို လက်ခံတာမဟုတ်ဘဲနဲ့ အများနဲ့ပါ ဆန့်ကျင်ပြီး နေနေတာဟာ ကိုယ်တိုင်အသိဉာဏ်သုံးတတ်လို့ပါ။ ခု ကြားရတဲ့သတင်းတွေအရ မိန်းကလေးများပျက်စီးနေခြင်းဟာ သူများနောက် အတုယူမှားတာလည်းပါတယ်၊ ကိုယ်တိုင်အသိဉာဏ်နည်းပါးပြီး စဉ်းစားချင့်ချိန်တွေးတောမှုမရှိဘဲ ဘ၀ကို ဖြစ်သလို တွေးတောကာ လျှောက်လှမ်းနေကြလို့ပါ။ အသိဉာဏ်ရှိတဲ့လူဆိုတာ ဘ၀ကို မျက်မှောက်ဘ၀ တခဏတာအတွက်ပဲ မစဉ်းစားရပါဘူး။ သံသရာတစ်လျှောက်လုံး ကြုံတွေ့ဖြတ်သန်းရမဲ့ဘ၀တွေအတွက်ပါ စဉ်းစားလုပ်ကိုင် ဖြတ်သန်းပါမှ လူပီသမှာပါ။

ခုခေတ်လူတွေက အဲဒီလို မလုပ်ဆောင်တာကြောင့် လူပီသသူနည်းပါးနေတယ်လို့ ပြောနိုင်ပါတယ်။ မိဘတွေက ကိုယ့်သားသမီး မကောင်းတဲ့အလုပ်ဖြင့် ငွေရှာနေတာကို မတားမြစ်ဘဲနဲ့ အားပေးနေမယ်ဆို အဲဒီမိဘဟာ သူတော်ကောင်းမိဘ မဟုတ်ပါပေ။ အဲဒီလိုပဲ သားသမီးကလည်း မကောင်းတာလုပ်ပြီး မိဘကို လုပ်ကျွေးမယ်ဆိုရင် သားသမီးကောင်း မဟုတ်ပါ။ မကောင်းတာလုပ်ကျွေးမှ အသက်ရှင်မယ်ဆိုရင် အစားငတ်ခံ သေလိုက်တာမှ သားသမီးကောင်း မိဘကောင်းများဖြစ်ပါဦးမယ်။

သီဟိုဠ်မှာ သူတော်ကောင်းအဖြစ် ထင်ရှားခဲ့တဲ့ မဟာစက္က၊ စူဠစက္ကညီအကိုနှစ်ယောက်ဟာ သူတစ်ပါးအသက် သတ်ပြီးမှ မိဘရောဂါပျောက်မဲ့အခြေအနေကို ရောက်နေပေမဲ့ သမင်သားမိရဲ့အသက်ကို သတ်ပြီးမှ မိဘကိုကယ်တယ်နိုင်မယ်၊ ကျေးဇူးဆပ်နိုင်မယ်ဆိုတာ သဘာဝမကျဘူးဆိုပြီး တိရစ္ဆာန်သတ်ခြင်း မကောင်းမှုလေးကိုတောင် မိဘအတွက် မလုပ်ခဲ့တဲ့ သူတော်ကောင်းတွေရဲ့ စိတ်ဓာတ်ကို အတုယူသင့်ပါပေတယ်။

မြတ်ဗုဒ္ဓကလည်း မိဘကျေးဇူးကို မကောင်းမှုလုပ်ပြီး ကျေးဇူးဆပ်သူကို ချီးကျုးလိမ့်မည် မဟုတ်ပါပေ။ ဒါကြောင့် တချို့သောမိန်းကလေးများက မိဘအတွက် ဘ၀နဲ့ရင်းပြီး မကောင်းတဲ့အလုပ် လုပ်ရပါတယ်ဆိုတဲ့အကြောင်းပြချက်ဟာ သဘာဝမကျဘူးဆိုတာကို သတိလေး အသိဉာဏ်လေး ရှိကြပါလေ။ ကိုယ့်မိဘအတွက် မကောင်းမှုလုပ်မှ အသက်ရှင်ရမယ်ဆို ကိုယ့်ရောမိဘပါ အစာငတ်ခံသေခြင်းက သံသရာအတွက် ကောင်းကျိုးတွေ ဖြစ်နေမှာပါ။ တကယ်စဉ်းစားကြည့်ရင် မကောင်းမှုလုပ်လို့ရတဲ့ အစားစာ၊ ကာမဂုဏ်တွေဟာ မျက်မှောက်မှာ တခဏပဲခံစားရပြီး သံသရာမှာ ဒုက္ခဆင်းရဲတွေ အများကြီးပေးဆပ်ရမှာမို့ မထိုက်တန်ပါ။

မိန်းမပျော်လုပ်ရတဲ့အလုပ်ဟာ သာမာန်အားဖြင့်ကြည့်ရင် မကောင်းမှုနည်းတယ်လို့ ထင်ရပေမဲ့ ခွဲခြားဝေဖန်ကြည့်လိုက်ရင် သူတစ်ပါးပစ္စည်းကို အလွယ်လိုချင်ခြင်း ၀ိသမလောဘ၊ သူတစ်ပါးအိမ်ထောင်ရေးထိခိုက်နိုင်ခြင်းအပြစ်၊ ကာမေသုမိစ္ဆာစာရကံစတဲ့ မကောင်းမှုအပြစ်တွေ မိမိပေါ်မှာ ဆိုက်ရောက်နေတယ်ဆိုတာ သတိရှိစေချင်တယ်။ ဒီထက်မက လူမျိုးဘာသာအတွက်ပါ ဆုံးရှုံးရတဲ့အခြေနေထိ ဖြစ်သွားရင်တော့ ကိုယ့်ကြောင့် ကိုယ့်လူမျိုး ကိုယ့်ဘာသာပါ ထိခိုက်အောင် လုပ်လိုက်တာမို့ မျိုးရိုးစဉ်ဆက်ဂုဏ်ပါ ဖျက်ဆီးခြင်းအပြစ်များစွာ ကျရောက်သွားပါပြီ။

မိမိတို့ လူမျိုးဘာသာဝင်တွေကလည်း ပိုက်ဆံရှိရင် ကိုယ့်အချင်းချင်း ထိန်းသိမ်းကာကွယ်ပေးရပါမယ်။ ကိုယ်လည်း ကိုယ်ကြိုက်တာ ကိုယ်လုပ်မယ်၊ ဘယ်သူမှ ထည့်တွက်မနေဘူးဆိုတာမျိုးတွေ မလုပ်သင့်ပါ။ ဥပမာ-ကိုယ်က ပိုက်ဆံချမ်းသာလို့ ပျော်တော်ဆက်တွေ၊ နိုက်ကလပ်တွေသွားပြီး ပျော်ပါးမယ်ဆိုရင်တောင် ကိုယ့်လူမျိုး၊ ကိုယ့်ဘာသာဝင်တွေ သူများနောက်မပါအောင် ကိုယ်ကသိမ်းသွင်းခေါ်နိုင်သမျှ လုပ်ပေးမှသာ အနာဂတ် မိမိတို့လူမျိုးဘာသာဝင်တွေ ဆက်လက်တည်တံ့နိုင်ပါလိမ့်မယ်။ အဲဒီလိုမဟုတ်ဘဲ ဘယ်သူဘာဖြစ်ဖြစ် ငါ့မထိခိုက်ရင် ပြီးရောဆိုသူတွေ များလာရင်တော့ မကြာမီ လူမျိုးဘာသာ ပျောက်ကွယ်သွားပါလိမ့်မယ်။ အပိုင်း (၂)ကို ဆက်လက်ရှု့စားကြပါရန်

အရှင်ကောမလ ဆန်နီနေမင်း

1 comments:

မောင်သုတရဲ့အိမ် said...

သာသနာအကျိုး တိုးလို.ထမ်းဆောင်နိုင်ပါစေ

Post a Comment

Powered by Blogger.