Thursday, October 6, 2011

သောတာပန်သေရင် လူပြန်ဖြစ်/မဖြစ်

အမေး။ ။ ဘုန်းဘုန်းဘုရား….. သောတာပန်ပုဂ္ဂိုလ်များသေလို့ လူ့ပြည်မှာ ပြန်ဖြစ်တတ်ပါသလား။ ပိဋကတ်စာပေမှာ သောတာပန်သေလို့ လူပြန်ဖြစ်တဲ့ သောတာပန်ဝတ္ထုများ ရှိပါသလား၊ ဖြေကြားပေးပါရန် တပည့်တော်ရိုသေစွာ လျှောက်ထားအပ်ပါတယ်ဘုရား။

ကျော်ဇင်လတ်(သုခရိပ်)

MePhi Universit, Mosscow

အဖြေ။ ။ သောတာပန်သေလို့ လူ့ပြည်မှာ လူပြန်လာဖြစ်တယ်ဆိုတဲ့ ၀တ္ထုဇာတ်ကြောင်းဟာ ပိဋကတ်စာပေမှာ မတွေ့ရပါဘူး။ ဒါပေမယ့် ကျမ်းဂန်နှံ့စပ်တဲ့ ဆရာတော်ကြီးများကိုလည်း မေးမြန်းသင့်တယ်လို့ ယူဆပါတယ်။ သည်ကိစ္စနှင့်ပတ်သက်ပြီး အဋ္ဌကထာဆရာက ပြောထားတာတော့ ရှိတယ်။ သောတာပန္နကာလတော ပဋ္ဌာယ နိစကုလေ ဥပ္ပတ္တိနာမ နတ္ထိ၊ မဟာဘောဂ ကုလေသုမေ၀ နိဗ္ဗတ္တိ။ (သာရတ္ထသင်္ဂဟ အဋ္ဌကထာ)။

အဓိပ္ပါယ်က……သောတာပန်ဖြစ်တဲ့ ဘ၀ကနေ စုတေပြီးတဲ့အချိန်မှစပြီး ယုတ်နိမ့်ဆင်းရဲတဲ့ အမျိုးမှာမဖြစ်ရတော့ဘဲ ပစ္စည်းဥစ္စာပေါများပြီး ချမ်းသာတဲ့အမျိုးမှာသာ ဖြစ်တယ်လို့ဆိုထားတဲ့အတွက်ကြောင့် အဋ္ဌကထာဆရာအလိုအရ သောတာပန်သေရင် လူပြန်ဖြစ်နိုင်တယ်လို့ဆိုထားပါတယ်။ ပါဠိတော်များမှာတော့ မတွေ့ရသလာက်ပါပဲ။

ဦးကောဝိဒ(မြိတ်) http://venkawwida.com မှ

0 comments:

Post a Comment

Powered by Blogger.