Friday, September 30, 2011

ဒိဋ္ဌဓမ္မနိဗ္ဗာန၀ါဒ

အမေး။ ။ အရှင်ဘုရား….အဘယ်ကဲ့သို့သော ပုဂ္ဂိုလ်မျိုးဟာ ဒိဋ္ဌဓမ္မနိဗ္ဗာန၀ါဒ ရှိသူဖြစ်ပါသလဲဘုရား။ ဒီဒိဋ္ဌိဟာ ဘယ်နှစ်မျိုးရှိပါသလဲ၊ သိချင်ပါတယ်၊ အဖြေပေးတော်မူပါဘုရား။

ငြိမ်းလွင်။ Moscow

အဖြေ။ ။ လက်ရှိအခြေအနေတွင် မဆင်းရဲဘဲ ချမ်းချမ်းသာသာ နေရတာ၊ ကိုယ်ချမ်းသာစိတ်ချမ်းသာ ခံစားရတဲ့ ချမ်းသာဟာနိဗ္ဗာန်ပဲလို့ မိစ္ဆာအယူရှိသူဟာ ‘ဒိဋ္ဌဓမ္မနိဗ္ဗာန၀ါဒ’ အယူရှိသူဖြစ်တယ်။ ဒိဋ္ဌဓမ္မနိဗ္ဗာန၀ါဒ ဒိဋ္ဌိငါးမျိုး ရှိပါတယ်။ (၁) ကာမဘုံမှာ ကာမဂုဏ် စည်းစိမ်ကို ခံစားပြီး ကိုယ်စိတ်ချမ်းသာမှုနှင့် ပြည့်စုံနေတာဟာ နိဗ္ဗာန်ရောက်နေတာပဲလို့ယူဆတဲ့ ဒိဋ္ဌဓမ္မနိဗ္ဗာန၀ါဒ။ (၂) ပထမဈာန်နှင့် ပြည့်စုံခံစားနေရတာကိုပဲ နိဗ္ဗာန်ရောက်ပြီလို့ ယူဆသော မိစ္ဆာအယူဝါဒ။ (၃)ဒုတိယဈာန်ချမ်းသာကို ခံစားပြီး ဒီချမ်းသာကို ရောက်နေတာဟာ နိဗ္ဗာန်ကို ရောက်နေတာပဲလို့ယူဆတဲ့ ဒိဋ္ဌဓမ္မနိဗ္ဗာန၀ါဒ။ (၄)တတိယဈာန် ချမ်းသာကိုခံစားပြီး ဒီချမ်းသာကို ရောက်နေတာဟာ နိဗ္ဗာန်ကို ရောက်နေတာပဲလို့ ယူဆတဲ့ ဒိဋ္ဌဓမ္မနိဗ္ဗာန၀ါဒ။ (၅)စတုတ္ထဈာန် ချမ်းသာကိုခံစားပြီး ဒီချမ်းသာကို ရောက်နေတာဟာ နိဗ္ဗာန်ကို ရောက်နေတာပဲလို့ယူဆတဲ့ ဒိဋ္ဌဓမ္မနိဗ္ဗာန၀ါဒတို့ဖြစ်ကြတယ်လို့ ဖြေကြားပေးလိုက်ပါတယ်။

ဦးကောဝိဒ(မြိတ်) http://venkawwida.com/မှ

0 comments:

Post a Comment

Powered by Blogger.