Wednesday, August 24, 2011

လူထွက်တဲ့အခါ ဆံပင်ပြန်ရိတ်ရမှာလား

အမေး။ ။ အရှင်ဘုရား ရဟန်းသိက္ခာချပြီး လူထွက်လို့ လူ့ဘ၀ရောက်လာတဲ့အခါ ခေါင်းပြန်ရိတ်ဖို့ လိုသေးလားဘုရား။ တပည့်တော်မှာ ကိစ္စတစ်ခုကြောင့် ဆံပင်ကို ပြန်မရိတ်ချင် ဖြစ်နေပါတယ်။ တပည့်တော်ရဲ့ အဒေါ်ဖြစ်သူက လူထွက်လာတဲ့အခါ ဆံပင်ပြန်ရိတ်ရတယ်။ ပြန်မရိတ်ရင် ငရဲကြီးတတ်တယ်လို့ပြောပါတယ်။ ဒါကြောင့် ဆံပင်ပြန်ရိတ်သင့် မရိတ်သင့်ဆိုတာကို ဖြေကြားပေးစေချင်ပါတယ်ဘုရား။

ကိုစံမင်းအောင်
တိုက်ကြီး


အဖြေ။ ။ ဒါနဲ့ပတ်သက်ပြီး “ဘုန်းကြီးလူထွက်ပြီးရင် ဘုန်းကြီးဘ၀ကပါလာတဲ့ ဆံပင်ဖြစ်တဲ့အတွက် ရိတ်ရမယ်။ မရိတ်ရင် ငရဲကြီးတတ်တယ်လို့ စာရေးသူတို့ငယ်စဉ်က လူကြီးတွေ ပြောတာကြားခဲ့ပါတယ်။ ဒါကြောင့်စာရေးသူလဲ ငယ်စဉ်က လူထွက်ပီးတဲ့အခါ ပြန်ပြီးဆံပင်ရိတ်ခဲ့ပါတယ်။ တကယ်ကတော့ လူထွက်ပြီးတဲ့အခါ ဆံပင်ရိတ်တာနဲ့ မရိတ်တာက အဓိကမကျပါဘူး။ လူထွက်တဲ့ပုဂ္ဂိုလ်ရဲ့ အကျင့်သီလကသာ အဓိကဖြစ်ပါတယ်။ လူထွက်ပြီး ဆံပင်တော့ရိတ်ပါရဲ့ ငါးပါးသီလတောင်မှ မစောင့်ထိန်းဘူးဆိုရင် ဆံပင်ဘယ်လောက်ပဲ ရိတ်ပါစေ ငရဲကျမှာပါ။ ဒီအဖြေနဲ့ပတ်သက်ပြီး ရုပ်ဝတ္ထုပစ္စည်းက အဓိကမဟုတ်၊ ကိုယ်ကျင့်တရားသာအဓိက၊ ကုသိုလ်ရရေးသာအဓိကဖြစ်ပါကြောင်း ဖြေကြားပေးလိုက်ပါတယ်။

ဦးကောဝိဒ(မြိတ်) http://venkawwida.com/မှ

0 comments:

Post a Comment

Powered by Blogger.