Sunday, August 21, 2011

အမွေပေးတာကုသိုလ်ရ-မရ

အမေး။ ။ အရှင်ဘုရား သားသမီိးများအား အမွေးပေးတဲ့အခါ မိဘများမှာ ကုသိုလ်ရနိုင်ပါသလားဘုရား။
ဖြူဖြူနိူင်
မြိတ်

အဖြေ။ ။ ကုသိုလ်ရ-မရဆိုတာကို အဖြေညှိဖို့အတွက် ကုသိုလ်အကြောင်းကို အရင်ပြောရမှာပါ။ ကုသိုလ်ဆိုတာ အပြစ်ကင်းတယ်၊ ချမ်းသာတယ်ဆိုရင် ကုသိုလ်လို့ခေါ်ပါတယ်။ ကင်းရမဲ့ အပြစ်တွေက ဘာများလဲဆိုရင် လောဘအပြစ်၊ ဒေါသအပြစ်၊ မောဟအပြစ်တွေပါ။ ဒီကိလေသာအပြစ်တွေ ကင်းနေရမယ်။ ဘယ်လောက်ကင်းရမလဲဆိုရင် ခဏကင်းတာ၊ တစ်အောက်လောက်ကြာအောင်ကင်းတာ၊ အပြီးအတိုင် ကင်းတာလို့ ကင်းခြင်းသုံးမျိုးရှိတယ်။ ဘယ်လိုပဲကင်းကင်း ကင်းနေသမျှအချိန်ဟာ ကုသိုလ်ပါပဲ။ ဒီလိုအပြစ်ကင်းပြီဆိုရင် စိတ်ထဲမှာ ကိလေသာအနှောင်အဖွဲ့မှလွတ်နေတဲ့အတွက် လောင်အိမ်မှ လွတ်တဲ့ငှက်လိုပဲ စိတ်ဟာလဲ လွတ်လပ်ပေါ့ပါးကာ ချမ်းသာနေမှာပါ။ ဒါကိုပဲ ကုသိုလ်လို့ မှတ်လိုက်ရပါမယ်။

မိဘများဟာ ပေးလိုက်တဲ့အမွေပစ္စည်းများအပေါ် မတတ်မက်ဘဲ ရက်ရက်ရောရော ပေးကမ်းမယ်ဆိုရင် မိဘများမှာ အလောဘကုသိုလ် ဖြစ်နေမှာပါ။ ဒီလိုမှမဟုတ်ဘဲ ပေးတော့ပေးလိုက်ပါရဲ့ ပစ္စည်းအပေါ် တွယ်တာမက်မောနေသေးတယ်။ ကိုယ့်ပစ္စည်းကို မပေးချင်ပေးချင်နဲ့ ပေးလိုက်ရတယ်ဆိုရင်တော့ တပ်မက်တဲ့ လောဘအပြစ် ဖြစ်သွားနိုင်ပါတယ်။ တစ်ချို့သားသမီးများက အမွေရလိုမှုနဲ့ တရားစွဲထားလို့ ရုံးတက်ဖြေရှင်းရပြီး သားသမီးက အမှုနိုင်လို့ မိဘက မပေးချင်ဘဲပေးလိုက်ရတဲ့အခါမျိုးမှာ ကုသိုလ်မဖြစ်နိုင်တော့။ အကုသိုလ်ပဲ ဖြစ်တော့မှာပါ။ လိုရင်းချူပ်ပြောရရင်တော့ မေတ္တာကရုဏာများစွာနဲ့ သားသမီများအား အမွေပေးရတဲ့မိဘများမှာ ကုသိုလ်ပဲ ရပါတယ်ဆိုတာ ဖြေကြားပေးလိုက်ပါတယ်။

ဦးကောဝိဒ(မြိတ်) http://venkawwida.com/မှ



0 comments:

Post a Comment

Powered by Blogger.