Friday, January 28, 2011

ဆန်နီနေမင်း အမေးအဖြေ သိမ်ဝင်ခြင်းနဲ့ပတ်သတ်၍

အရှင်ဘုရား သိမ်ဝင်ရင် ရဟန်း ဘယ်နှစ်ပါးပင့်ရပြီး ဘယ်နှစ်ပါးကို တပြိုက်နက် ရဟန်းပြုပေးနိုင်ပါသလဲဘုရား။ နောက်ပြီး ပရိက္ခရာရှစ်ပါးကိုလည်း အသေးစိတ် သိချင်ပါတယ်ဘုရား။ တပည့်တော်နှင့်အတူ အားလုံးအတွက် ဗဟုသုတလည်းရအောင် အရှင်ဘုရား တက်နိုင်မယ်ဆို post လေးတင်ပေးပါအုန်းဘုရား။

အင်း သိမ်ဝင်ခြင်းနှင့်ရဟန်းခံအကြောင်းကို ဦးဇင်းမှတ်မိလေ့လာထားသမျှ ရေးသားတင်ပြပေးပါမယ်။ ရဟန်းခံရန်အတွက် ရဟန်းဒကာလုပ်မယ့်သူပဲဖြစ်ဖြစ် ရဟန်းလောင်းကိုယ်တိုင်မှာပဲဖြစ်ဖြစ် ပရိက္ခရာရှစ်ပါး ပြည့်စုံအောင် ရှိနေရပါမယ်။ ကိုရင်ဝတ် လျှင်လည်း ထိုပရိက္ခရာရှစ်ပါး ပြည့်စုံရပါမယ်။


ရဟန်းလောင်းများ၊ ရှင်သာမဏေလောင်းများ အဓိကပြည့်စုံရမည့် ပရိက္ခရာ ရှစ်ပါးမှာ-(၁) အပေါ်ရုံဧကသီ၊ (၂) ခါးဝတ်သင်ပိုင်၊ (၃) နှစ်ထပ်သင်္ကန်း၊ (၄) သပိတ်၊ (၅) ခေါင်းရိပ်ဓါး၊ (၆) သင်္ကန်းချုပ်ရန်အပ်၊ (၇) ပိုးမွှားပါသော ရေကိုသောက်လျှင် ပိုးမွှားများ မသေမပါရအောင် ရေစစ်သောက်ရန် ရေစစ်၊ (၈) ခါးဝတ်သင်ပိုင်ကိုပတ်ထားရန် ခါးပတ်တို့ လိုအပ်ပါတယ်။ ကျန်သည့်ပစ္စည်းမပါလျှင်လည်း ဒီပရိက္ခာရှစ်ပါးရှိလျှင် ရဟန်းပြုခြင်း၊ ရှင်ပြုခြင်းများ လုပ်ပေးနိုင်ပါတယ်။ ကျန်သည့် အသုံးအဆောင်လှူခြင်း၊ ဆွမ်းကပ်ခြင်းတို့မှာ မိမိတို့ တက်နိုင်ပြီး စေတနာရှိမှသာ လှူပါ။ မလှူလျှင်လည်း အပြစ်မရှိပါ။ ဆွမ်းအကျိုး၊ အသုံးအဆောင် လှူရကျိုး ကုသိုလ်မရရုံသာ ရှိပါမယ်။

ရဟန်းခံပေးခြင်း၊ ရှင်ပြုပေးခြင်းဆိုသည်မှာ မိမိ၏ရင်သွေးသားရတနာများကို ပြုလုပ်ပေးမှသာ ရဟန်းဒကာ၊ ရဟန်းအမ၊ ရှင့်ဒကာ၊ ရှင့်အမ ဖြစ်ကြတာမဟုတ်ပါဘူး။ မိမိရင်သွေးများကို မပြုလုပ်ပေးနိုင်၍ သူတစ်ပါးကို ပြုလုပ်ပေးလျှင်လည်း ရဟန်းဒကာ ရဟန်းအမ၊ ရှင့်ဒကာ ရှင့်အမအဖြစ် ရရှိနိုင်ပါတယ်။

သိမ်ဝင်တဲ့အခါမှာ ရဟန်းများကိုပင့်ဖိတ်ရန် ဘုရားရှင်ကတော့ ငါးပါးသိမ်ထဲမှာရှိရင် ရပါပြီတဲ့။ ဒါပေမဲ့ ယခုခေတ်မှာ ရဟန်းခံပေးတဲ့ ကိုရင်အား ပို၍စင်ကြယ်သန့်ရှင်းအောင် ငါးပါးထက်အလွန် ဆယ်ပါး နှစ်ဆယ်လောက် ပင့်ဖိတ်ကြပါတယ်။ ဒါဟာ ဘာဖြစ်လို့လဲ ဆိုတော့ အကယ်၍ မိမိတို့က ငါးပါးထဲသိမ်ဝင်ရန် ပင့်လိုက်တဲ့အခါ အဲဒီငါးပါးထဲ၌ မေထုန်အမှု၊ ခိုးမှု၊ လူသတ်မှု၊ ဈာန်မဂ်ဖိုလ် လိမ်လည်ကြွားဝါးမှုဆိုသည့် ပါရာဇိကလေးပါးတွင် တစ်ပါးပါးကျပြီး မစင်ကြယ်သော ရဟန်းတစ်ပါးပါနေလျှင် ထိုရဟန်းခံပေးသော ကိုရင်သည် ရဟန်းအဖြစ်သို့ အထမမြောက်သောကြောင့်ပါ။ ပါရာဇိကအာပတ်မှလွတ်ပြီး သန့်ရှင်းစင်ကြယ် သော ရဟန်းငါးပါးအနည်းဆုံး သိမ်အတွင်းရှိမှသာလျှင် ရဟန်းခံပေးသော ကိုရင်သည် ရဟန်းအဖြစ်သို့ ထမြောက်အောင်မြင်ပါတယ်။ ဒါ့ကြောင့် ရဟန်းခံရာဝယ် သံဃာငါးပါးမကဘဲ (၁၀)ပါးကျော်လောက်ထိ သိမ်ဝင်ရန် ပင့်ဖိတ်ကြခြင်း ဖြစ်ပါတယ်။

ရဟန်းခံသောအခါ ရဟန်းလောင်း(၃)ပါးကို တပြိုင်နက် ရဟန်းခံသိမ်ဝင်ပေးလို့ ရပါတယ်။ ထို့အထက် ကျော်လွန်ပြီး (၄)စသည်ကို တပြိုက်နက် ရဟန်းခံပေးရန် မဖြစ်နိုင်ပါ။ အဘယ့်ကြောင့်ဆိုသော် ဘုရားရှင် ပညတ်ခဲ့သော ကမ္မ၀ါစာ၌ (၃)ပါးကိုသာ တပြိုက်နက်ရဟန်းပြုပေးရန် အမည်နာမများ ထည့်သွင်းထားခြင်း ကြောင့်ပါ။ ရဟန်းလောင်း (၄)ပါးကျော်ကို တစ်ခါတည်းသိမ်တွင်းထားပြီး ရဟန်းဆိုင်ရာ ၀ိနည်းစည်းကမ်းများ ပြောကြားခြင်း၊ စစ်ဆေးခြင်းများ ပြုလုပ်ထားပြီး (၃)ပါးကို ကမ္မ၀ါဖတ်ပေးပြီးလျှင် နောက်ထပ်တဖန် အနေဖြင့်တော့ ရဟန်းပြုပေး၍ ရပါတယ်။ တပြိုင်နက် (၃)ပါးကျော်ကို ကမ္မ၀ါဖတ်ပေးပြီး ရဟန်းခံပေးလို့တော့ မရပါပေ။

သိမ်သည် အနည်းဆုံး သံဃာ(၂၁)ပါး ထိုင်နိုင်လောက်သော နေရာဖြစ်ရပါမယ်။ အများအားဆုံးအားဖြင့် (၃)ယူဇနာတိုင်အောင် ကျယ်ဝန်းနိုင်ပါတယ်။ တစ်ယူဇနာကို ခုခေတ်မိုင်အားဖြင့်တွက်ကြည့်လျှင် (၁၀)မိုင်ကျော်ပါတယ်။ မြတ်ဗုဒ္ဓသက်တော် ထင်ရှားရှိစဉ်အခါက ရှင်သာရိပုတ္တရာရဟန္တာမထေရ်မြတ်သည် ရာဇဂြိုလ်မြို့ပတ်ဝန်းကျင် ရှိ ကျောင်းတိုက်ပေါင်း(၁၈)ခုလုံးကို ခြုံငုံမိအောင် သိမ်သမုတ်ပေးတော်မူခဲ့ပါတယ်။ ရာဇဂြိုလ်မြို့သည် သိမ်သမုတ်နယ်မြေအတွင်းပါဝင်သောကြောင့် ထိုမြို့ထဲတွင် လူများနေကြသည်ကို ထောက်ဆလျှင် သိမ်အတွင်းသို့ လူဒါယကာ ဒါယိကာမများ ၀င်ကောင်းပါတယ်။ သို့သော် ကမ္မ၀ါဖတ်နေချိန်တွင် ရဟန်းတော်များနှင့် နှစ်တောင်ထွာ လွတ်ကင်းအောင် နေရပါမယ်။

ရဟန်းများသည် တကယ်လို့ မိမိရဟန်းဘောင်၌မပျော်၍ လူထွက်ချင်ပါက ရဟန်းသိက္ခာကျအောင် နည်းစနစ်သိသော ဆရာတော်များထံ သိက္ခာကို စနစ်တကျ ချခိုင်းပြီးမှ လူဝတ်လဲသင့်ပါတယ်။ နည်းစနစ်မှန်ကန်စွာ ရဟန်းသိက္ခာမချဘဲဖြစ်ဖြစ် ဒီတိုင်းသိက္ခာမချဘဲနဲ့ လူဝတ်လဲ၍ပဲဖြစ်ဖြစ် မေထုန်မှုစတဲ့ ပြစ်မှုများကို ပြုလုပ်မိလျှင် ထိုရဟန်းသည် ရဟန်းသိက္ခာမကျဘဲဖြစ်နေပါက ပါရာဇိကအာပတ်များ သင့်ရောက်၍ ယခုဘ၀တွင် နောက်ထပ်ရဟန်းပြုခွင့်မရတော့သည့်အပြင် အကုသိုလ်အပြစ်များလည်း သင့်ရောက်နေပါလိမ့်မယ်။

ထို့ကြောင့် ယခုခေတ် ခေတ္တခဏ ဒုလ္လဘ၀တ်သော လူပုဂ္ဂိုလ်များအနေဖြင့် အထူးသတိထားပါ။ တချို့က ကောင်းကောင်းနားမလည်၍ ဖြစ်သလိုသိက္ခာချကာ လူဝတ်လဲသော်လည်း ရဟန်းသိက္ခာမကျသေးဘဲ ဖြစ်နေသည့်အတွက် အကုသိုလ်များ နေ့စဉ်သင့်ရောက်နေတတ်ပါတယ်။

ထို့ပြင် မိမိရဟန်းသိက္ခာချသောအခါ အဓိကထားရမည့် မိမိလူထွက်ချင်သောစိတ် ဧကန်မုချဖြစ်ရပါမယ်။ မိမိစိတ်က လူမထွက်ချင်ဘဲ သူများထွက်ခိုင်း၍ ရဟန်းသိက္ခာချလျှင်မကျပါ။ ထို့ကြောင့် ရဟန်းသိက္ခာ ချသောအချိန်ဝယ် အဓိကအချက်ဖြစ်သည့် လူထွက်ချင်စိတ် ဧကန်မုချဖြစ်အောင် ပြုလုပ်ပေးရပါမယ်။ တချို့သည် ရဟန်းဘ၀ ပျော်သော်လည်း အခြေအနေအရ သိက္ခာချရတာမျိုး ရှိတတ်ပါတယ်။ ထိုသို့သော သူများသည် မိမိသန္တာန်၌ လူထွက်ချင်စိတ်မဖြစ်လျှင် သိက္ခာမကျသောကြောင့် လူဝတ်လဲသော်လည်း ရဟန်းသိက္ခာများ ဧကန်မုချ ရှိနေတတ်ပါတယ်။

ယခု အမေးအဖြေသည် မေးသူကိုယ်တိုင် ဖေဖ၀ါရီလမှာ ဒုလ္လဘရဟန်းခံပေးမည်ဖြစ်သောကြောင့်လည်း ကောင်း၊ ဦးဇင်း ယခု ရောက်ရှိနေသော မလေးရှားနိုင်ငံ၌ တရုတ်နှစ်သစ်ကူးအချိန်ဝယ် ဦးဇင်းတို့မြန်မာ လူမျိုးများ ဒုလ္လဘ၀တ်ကြမည်ဖြစ်သောကြောင့်လည်းကောင်း အချိန်ပေး၍ ဖြေပြီးတင်ပေးလိုက်ခြင်း ဖြစ်ပါတယ်။ ဤမျှလောက် ရေးသားတင်ပြလျှင် ရဟန်းခံခြင်း၊ သိမ်ဝင်ခြင်းများနဲ့ပတ်သတ်၍ ပြည့်စုံလောက်မည်ဟု ထင်ပါသောကြောင့် ဒီမျှနဲ့ပဲ နိဂုံးချုပ်လိုက်ပါပေတယ်။ အားလုံး သတိတရားလက်ကိုင်ထားကာ ကျင့်သုံးလိုက်နာ ဆောင်ရွက်ပြုမှုနိုင်ကြပါစေလို့ ဆန္ဒပြုလျက်…………………………….။(၂၈.၀၁.၂၀၁၁၊ မလေးစံချိန် 23:45 PM)

0 comments:

Post a Comment

Powered by Blogger.